Lekala la Tikoloho le Meru le ts’oere mmoka oa letsatsi mabapi le ho bopa tokomane e mabapi le boieane ba tlholeho, ka sepheo sa ho fumana ts’ehetso mokhatlong oa machaba o ts’ireletsang boieane ba tlholeho. Mmoka o bile Maseru maobane
Mookameli litabeng tse amang ts’ireletso le poloko ea mobu lekaleng la Tikoloho le Meru mong Nkoebe Lerotholi o itse, sepheo sa mmoka, ke ho tla shebisana mekhoa e nepahetseng ea ho bopa tokomane ena. Are ha tokomane e ananetsoe ke mekhatlo; e tlo thusa phetisong ea thuto ka tsa tlhokomelo ea boieane ba tlholeho, kaha ho bonahala Basotho ba se ba sa e hlokomele
Ha e le Mohlahlubi ea ikemetseng, mofumahali Lerato Seleteng Kose o bonts’itse ha boithuto bo bonts’a ha litereke tse kang Maseru, Mafeteng le Quthing, li angoe ke khoholeho ea mobu lebitsong la ho se hlokomele boieane ba tlholeho lehore, ka lebaka la maemo a feto- fetohang a boemo ba leholimo, komello e boetse e phahame
Lebitsong la mekhatlo e ikemetseng, mofumahali Mantopi Lebofa o bonts’itse ha Mosotho oa pele a ne a philisana hantle le tlholeho. A re, Basotho ba haa joale ba rema le ho tlosa lifate empa ba sitoa ho li lema empa ka mmoka ona, ba tlilo ithuta mekhoa ea ho fetisetsa thuto sechabeng mabapi le ho baballa tlholeho
19th dec 24
