Likhetho tsena li bile Maseru hoseng hona, moo Sepipi a fumaneng livoutu tse leshome le metso e mmeli, khahlanong le tse supileng tsa Mong. Relebohile Sechache.
Sepipi o tla sebetsa nako ea selemo pele ho ts’oaroa likhetho tse ncha tsa majoro le motlatsi oa hae.
E meng ea mesebetsi ea hae ke ho okamela mesebetsi ea mmasepala, ho ts’ehetsa lekhotla la toropo le ho netefatsa hore Maseru e lula e hloekile ebile e tsamaisoa hantle.
Hona likhethong tsena, Mong. Leloko Theko o ile a khetheloa ho ba motlatsi oa majoro ka livoutu tse 12 khahlanong le Mong Thabo Sefuthi, ka tse supileng.
Sepipi o lebohile basebetsi-mmoho le eena ka ho tsoela-pele ho mo ts’epa, aba a tiisa hore, o tla sebetsa ka matla le ho feta. Motlatsi oa hae le eena o tsépisitse ho mo ts’ehetsa le ho netefatsa hore mmoho, ba tla sebeletsa baahi ba Maseru ka boitelo.
15th nov 24
