Mohlabulli oa litaba tsa semoea moruti Peter Matela o re, ke boikarabello ba banna hoba basireletsi ba bana le basali ka malapeng
Moruti Matela o buile sena puisanong le seea le moea sena, ha a botsoa maikutlo mabapi le letsatsi la lefats’e la banna le ketekoang lefats’e ka bophara ka la 19 pulungoana
O supile ha baruti ba kenya letsoho tlhabollong ea banna ka malapeng a re, sena se thusa banna ba bangata bophelong bo botle ba kelello, kaha sena se ba qobisa khatello ea maikutlo e bakoang ke tlhokahalo ea mesebetsi matsatsing a morao tjena
A re ka mananeo a tlhabollo e le baruti, ba thusa banna ho ba baalusi le basireletsi ba bana le basali ka malapeng le hore, sena se theola sekhahla sa thlekefetso ea ka malapeng e bakoang ke khatello ea maikutlo ho banna
Ho sa le joalo, mohoebi ea ntseng a hola mofumahali Mpho Phakisi o itse, banna ba bapala karolo e kholo kahara Malapa. A eletsa basali ho khaotsa ho khetholla banna nakong eo ba seng ba feletsoe ke mesebetsi, kaha sena se ba bakela khatello ea maikutlo
11/19/24
